Foto: Qeveria e Malit të Zi / Vlada Crne Gore
Qeveria e Malit të Zi ka miratuar Listën e re të barnave, e cila është përditësuar ndjeshëm për të përmirësuar qasjen në terapi moderne dhe cilësinë e kujdesit shëndetësor për qytetarët.
Sipas Ministrisë së Shëndetësisë, lista është përputhur me standardet më të reja mjekësore dhe përfshin 11 barna të reja, që shërbejnë për trajtimin e sëmundjeve kardiovaskulare, onkologjike, neurologjike (tek fëmijët), si dhe problemeve me kockat.
Po ashtu, janë shtuar barna të posaçme për përdorim në spitale dhe në dhoma të posaçme për citostatikë. Për më tepër, janë përfshirë 12 barna gjenerike, duke rritur opsionet terapeutike cilësore dhe më të përballueshme për pacientët.
Ministria e Shëndetësisë thekson se kjo përbën një hap të rëndësishëm drejt modernizimit të sistemit shëndetësor dhe përforcon përkushtimin e saj ndaj shëndetit të popullatës dhe përdorimit efikas të burimeve shtetërore.
