Foto: Shutterstock
Nga mesnata, çmimi i Eurosuper 95 do të rritet me një cent dhe do të kushtojë 1,44 euro për litër, njoftoi Ministria e Energjisë dhe Minierave.
Çmimi i Eurosuper 98 nuk do të ndryshojë dhe do të mbetet 1,47 euro për litër. Po ashtu, çmimi i Eurodizelit do të vazhdojë të jetë 1,34 euro, ndërsa çmimi i vajit për ngrohje do të mbetet 1,28 euro për litër.
Ndryshimi i fundit i çmimeve të karburanteve ndodhi më 9 shtator, kur të gjitha llojet e karburanteve u rritën me një deri në dy centë.
Sipas rregullores për formimin e çmimeve maksimale të karburanteve, llogaritja e radhës do të bëhet më 6 tetor, ndërsa çmimet e reja, nëse do të ketë ndryshime, do të hyjnë në fuqi më 7 tetor.
