Foto: Vijesti
Sindikata e Arsimit e Malit të Zi mbështet llogaritjen e centralizuar të pagave për punonjësit në arsim, por vetëm nëse nuk ndodhin ulje të pagave.
Kryetari i Sindikatës së Arsimit të Malit të Zi, Radomir Bozhoviq, deklaroi se shumë mësimdhënës kanë pësuar ulje të pagave, disa edhe deri në 50 euro.
Ai kritikoi mungesën e komunikimit me Ministrinë përkatëse dhe theksoi se kërkojnë dialog social për zgjidhjen e problemeve.
Bozhoviq përshëndeti propozimet e ministres së arsimit, Angjella Jakshiq Stojanoviq, për rritjen e shtesave për kujdestarinë dhe për gradat më të larta profesionale, por tha se ende nuk kanë analizuar plotësisht propozimet.
Ai konfirmoi se më 1 shtator do të mbahet një “orë publike” për të shprehur pakënaqësinë, por pa ndërprerë mësimin.
Sindikata e Arsimit e Malit të Zi do të presë deri më 15 shtator për të vendosur nëse do të ndërmarrë masa më radikale.
Sekretari i përgjithshëm i Unionit të Sindikatave të Lira të Malit të Zi, Srgja Kekoviq, shprehu shqetësimin për shmangien e dialogut nga ana e Qeverisë dhe theksoi se kjo qasje kërcënon të ardhmen e sindikalizmit në vend.
