Foto: Qeveria e Malit të Zi / Vlada Crne Gore
Qeveria e Malit të Zi në mbledhjen telefonike të sotme miratoi vendimin për të ridestinuar 300.000 euro për blerjen e pjesëve rezervë dhe riparimin e helikopterit të Ministrisë së Punëve të Brendshme.
“Qeveria sot, në përputhje me nenin 10 të Rregullores së Qeverisë, pa mbajtjen e seancës, bazuar në miratimin e shumicës së anëtarëve të Qeverisë, ka vendosur mbi informacionin për rëndësinë e përmirësimit të cilësisë së ajrit të brendshëm në Malin e Zi dhe ka marrë përsipër detyrimin për bashkëorganizimin e një ngjarjeje të nivelit të lartë kushtuar cilësisë së ajrit të brendshëm gjatë seancës së 80-të të Asamblesë së Përgjithshme të Kombeve të Bashkuara në shtator, përmes një marrëveshje paraprake”, thanë ata në një njoftim.
Gjithashtu u theksua se Qeveria miratoi informacionin për pagesën e ndihmës financiare për familjen e ushtarit të rënë Dejan Bozhoviq dhe për anëtarin e plagosur të Ushtrisë së Malit të Zi, Marko Ikoviq.
Në përfundim, Qeveria miratoi edhe propozimin për ndryshimin e Vendimit të Qeverisë së Malit të Zi, datë 14 gusht, për ridestimin e 300,000 eurove për blerjen e pjesëve rezervë dhe riparimin e helikopterit të Ministrisë së Punëve të Brendshme.
