Foto: Ilustrim
Sipas një hulumtimi të realizuar nga agjencia IPSOS në fillim të gushtit, 89% e të anketuarve janë të pakënaqur me çmimet në bregdetin malazez.
Ndër ta, 68% mendojnë se çmimet janë shumë të larta, ndërsa 21% i konsiderojnë çmimet të larta, duke sjellë një përqindje të përgjithshme të pakënaqësisë prej 89%.
Vetëm 1% e të anketuarve mendojnë se çmimet janë të ulëta.
Hulumtimi ka përfshirë ata që tashmë kanë qenë në bregdet këtë verë dhe ata që planifikojnë të shkojnë deri në fund të sezonit.
Interesant është fakti që shumë prej atyre që tashmë e kanë vizituar bregdetin, megjithë çmimet e larta, planifikojnë ta vizitojnë përsëri.
Sa i përket arsyeve pse disa qytetarë nuk do të vizitojnë bregdetin malazez, arsyeja kryesore është mungesa e parave (thuajse gjysma e të anketuarve).
16% përmendin arsye personale, ndërsa në vendin e tretë janë çmimet e larta. Shumë pak prej tyre përmendin si arsye trafikun ose turmat.
