Presidenti ukrainas Volodymyr Zelensky ka kërkuar sqarime të detajuara mbi mënyrën se si do të funksionojnë garancitë e sigurisë për Ukrainën në rast të një marrëveshjeje paqeje.
Në një postim në Telegram, ai theksoi se vendit i nevojitet siguri që funksionon në praktikë.
“Kjo është një ndryshim i rëndësishëm. Por ende nuk ka detaje për mënyrën se si kjo do të funksionojë — çfarë roli do të ketë Amerika, çfarë roli do të ketë Evropa, çfarë mund të bëjë BE-ja. Dhe kjo është detyra jonë kryesore. Na nevojitet një siguri që funksionon në praktikë,” shkroi ai.
Zelensky theksoi se anëtarësimi në Bashkimin Evropian është pjesë e këtyre garancive. Ai komentoi gjithashtu mbi deklaratat e administratës Trump, sipas të cilave Rusia është e gatshme të pranojë pjesëmarrjen amerikane si pjesë e një marrëveshjeje.
“Kemi dëgjuar nga presidenti Trump se Amerika dhe Putin e shohin këtë në të njëjtën mënyrë,” shtoi ai.
