Foto: Qeveria e Malit të Zi / Vlada Crne Gore
Nga e marta, 12 gusht, në Mal të Zi do të hyjnë në fuqi çmime të reja maksimale për derivatet e naftës, ka njoftuar Ministria e Energjisë dhe Minierave.
Sipas rregullimit të ri, disa lloje karburantesh do të ndryshojnë çmim:
Eurosuper 98 do të kushtojë 1,46 euro për litër;
Eurosuper 95 do të kushtojë 1,43 euro për litër;
Eurodizeli do të kushtojë 1,34 euro për litër;
Vaji për ngrohje do të kushtojë 1,28 euro për litër.
Në përputhje me Rregulloren që përcakton mënyrën e llogaritjes së çmimeve maksimale të derivateve të naftës, përllogaritja e ardhshme e çmimeve do të bëhet më 25 gusht, dhe nëse ka ndryshime, ato do të aplikohen nga 26 gushti.
