Ri-prezantimi eventual i masave të duhura do të varet nga situata epidemiologjike, siç ishte rasti në valën e parë të epidemisë së koronavirusit, tha epidemiologja e Institutit të Shëndetit Publik, Bozhidarka Rakoçeviq.
Ajo në programin e mëngjesit të Televizionit të Malit të Zi tha se në këtë moment është shumë e vështirë të flitet se si do të lëvizë epidemia dhe si do të zbatohen masat parandaluese.
“Në varësi të situatës epidemiologjike, do të futen masat e duhura, siç ndodhi në valën e mëparshme të epidemisë,” theksoi Rakoçeviq.
Ajo theksoi se me hapjen e kufijve, rreziku i importimit të virusit u rrit, sepse rreziku nuk është vetëm nga turistët, por edhe qytetarët tanë që udhëtojnë jashtë vendit.
“Ajo që ne përmendim vazhdimisht si parandalim është distanca, higjena e duarve dhe veshja me maskës,” tha Rakoçeviq.
Se si do të lëvizë kursi i mëtutjeshëm i epidemisë, shprehet ajo, është përgjegjësia personale e të gjithë neve.
“Është shumë e rëndësishme që ne të zbatojmë masa parandaluese,” theksoi Rakoçeviq.
