Foto: Ilustrim
Ministria e Energjisë dhe Minierave ka njoftuar se nga mesnata çmimi i eurodizelit do të rritet për një cent, ndërsa çmimi i vajit për ngrohje do të rritet për dy cent. Çmimet e benzinës do të mbeten të pandryshuara.
Për 15 ditët e ardhshme, çmimet maksimale do të jenë si më poshtë:
- Eurosuper 98 do të kushtojë 1,45 euro për litër,
- Eurosuper 95 – 1,42 euro për litër,
- Eurodizel – 1,37 euro për litër,
- Vaji për ngrohje – 1,32 euro për litër.
Qeveria ka bërë të ditur se, në përputhje me rregulloren për mënyrën dhe lartësinë e elementeve mbi bazën e të cilave formohen çmimet maksimale të derivateve të naftës, llogaritja e radhës do të bëhet më 11 gusht, ndërsa çmimet e reja eventuale do të hyjnë në fuqi nga data 12 gusht 2025.
