Foto: Zyra për Marrëdhënie me Publikun e Presidentit të Malit të Zi / Kancelarija za odnose sa javnošću predsjednika Crne Gore
Presidenti kroat Zoran Milanoviq tha se nuk beson se çështja e hapur e pronësisë së anijes trajnuese “Jadran” mund të jetë pengesë në rrugën e Malit të Zi drejt Bashkimit Evropian (BE).
Millanoviq dhe presidenti i Malit të Zi Jakov Milatoviq mbajtën sot një ligjëratë para studentëve të Fakultetit të Shkencave Politike me temën “Zgjerimi i BE-së si imperativ gjeopolitik”.
Duke iu përgjigjur pyetjes nëse sheh hapësirë për arritjen e një marrëveshjeje dypalëshe ndërmjet Malit të Zi dhe Kroacisë për çështjen e anijes “Jadran” dhe nëse moszgjidhja e kësaj çështje mund të prishë rrugën evropiane të Malit të Zi, Millanoviq theksoi se pushteti ekzekutiv nuk ka më autoritet dhe nuk vendos për çështje të tilla.
Millatoviq tha se ai dhe presidenti kroat edhe përkundër një kohë të marrëdhënieve të tensionuara mes Malit të Zi dhe Kroacisë, arritën të dërgojnë një mesazh të rëndësishëm – mesazhin e dialogut të nevojshëm, miqësisë, respektit të ndërsjellë dhe fqinjësisë së mirë.
Të rikujtojmë se, Presidenti i Republikës së Kroacisë, Zoran Millanoviq, po qëndron për një vizitë zyrtare në Mal të Zi, me ftesë të Presidentit të Malit të Zi, Jakov Millatoviq.
Vizita zyrtare e presidentit Millanoviq në Mal të Zi është një mundësi për të forcuar marrëdhëniet ndërshtetërore në frymën e miqësisë, respektit të ndërsjellë, bashkëpunimit dhe fqinjësisë së mirë.
