Foto: Ilustrim
Organizata Alternativa e Malit të Zi, bazuar në një tjetër sondazh online, u bëri thirrje qytetarëve që të bojkotojnë rrjetet e shitjes me pakicë Idea dhe Aroma duke filluar nga sot.
Sipas të dhënave nga faqja e tyre në Facebook, 17 për qind e votave ishin për tregjet HDL, 27 për qind për Aroma, ndërsa 56 për qind e votave ishin për bojkotimin e tregjeve të Idea.
“Ne do të bëjmë çdo hap të ardhshëm vetëm në përputhje me vullnetin e qytetarëve. I ftojmë të bashkohen dhe të tregojnë fuqinë e bashkimit. Kur nuk dëgjojnë qytetarët, qytetarët nuk blejnë. Bojkotoni Idenë dhe Aromën”, tha Alternativa e Malit të Zi.
Ata shtuan se përfaqësuesit e zinxhirëve të shitjes me pakicë nuk u deklaruan, edhe pse kishin një mundësi unike për të dëgjuar vullnetin e qytetarëve dhe për të demonstruar përgjegjësi ndaj komunitetit.
Kjo organizatë, e cila nisi thirrjet për bojkot të dyqaneve gati një muaj më parë, fillimisht për një, më pas për dy ditë, pasuar me një bojkot shtatëditor të marketeve të Volit, ata i bënë thirrje ministrit të Zhvillimit Ekonomik, Nik Gjeloshaj që t’i përgjigjet urgjentisht “çmimeve alarmante të produkteve ushqimore bazë”.
