Foto: Ilustrim
Pagesa e pensioneve të janarit do të bëhet më 20 shkurt dhe pensionistët do të kenë rritje prej 6.85%, njoftoi për Portalin e RTMZ, drejtori i Fondit të Sigurimit Pensional dhe Invalidor, Vlaldimir Drobnjak.
Kjo rritje nuk vlen vetëm për pensionet minimale, të cilat mbeten në nivelin 450 euro deri në fund të vitit 2025 në përputhje me ligjin.
“Në varësi të marrjes së pensioneve të dhjetorit, varet se sa do të ketë rritje përfituesi duke rregulluar pensionin e janarit, që do të thotë se rritja është individuale për të gjithë përfituesit”, tha Drobnjak.
Ai ka thënë se pensioni prej 730 euro është afër kufirit të pensionistëve të cilët do të kenë rritje prej 50 euro.
“Të gjithë ata që kanë pensione mbi atë shumë do të kenë rritje prej më shumë se 50 euro dhe ata nën atë shumë do të marrin më pak se 50 euro. Për shembull, dikush që ka një pension prej 1000 eurosh do të ketë një rritje prej 68.5 euro”, tha Drobnjak. Kështu, pensionistët me të ardhura mesatare prej 520 euro do të marrin pensione më të larta për 35.6 euro.
