Foto: AFP
Presidenti ukrainas Volodymyr Zelensky ka hedhur poshtë sugjerimet që Donald Trump ka një plan paqeje për Ukrainën vetëm disa orë para takimit me Zëvendës Presidentin e SHBA JD Vance në Mynih.
Duke folur në një konferencë sigurie në qytetin gjerman, Zelensky tha se bisedimet e zhvilluara deri më tani me Trump janë ‘padyshim jo të mjaftueshme’ për të kërkuar një zgjidhje me Rusinë pasi Presidenti i SHBA tregoi në fillim të kësaj jave se kishte një ‘mundësi të mirë’ për t’i dhënë fund luftës.
Zelensky gjithashtu përsëriti se dëshiron që Ukraina të bashkohet me NATO-n, pavarësisht se Trump deklaroi “Unë nuk e shoh që kjo të ndodhë”, pas telefonatës së tij me presidentin rus Vladimir Putin të mërkurën. Zelenski tha se biseda e tij me Trump të mërkurën ishte mjaft e gjatë “për të folur për disa detaje”, por “jo e mjaftueshme për të bërë një plan”.
“Ne dëgjojmë njëri-tjetrin. Ne folëm shumë pozitivisht. Ishte një bisedë vërtet e mirë,” u tha ai gazetarëve në Mynih.
“Ne folëm për detajet e situatës në front, cilat janë humbjet reale. Zelensky tha se shifrat e tij për humbjet në fushën e betejës ishin të ndryshme nga ato të Trump, por “gjëja kryesore është ajo që ne do të bëjmë më pas”, theksoi ai.
Presidenti ukrainas theksoi ndërkohë se edhe pse administrata Trump nuk është e gatshme të flasë për anëtarësimin e vendit të tij në NATO, ajo mbetet garancia më e mirë e sigurisë për Ukrainën.
“Nëse nuk jemi në NATO, dhe unë po flas hapur për këtë, atëherë Ukraina duhet të punojë me Evropën. Kjo do të përfshinte armët e duhura të NATO-s dhe numrin e duhur të trupave”, shtoi zelenski duke saktësuar se vendi i tij do të kishte nevojë për një ushtri prej 1.5 milionë trupash.
