Foto: Presidenti i Malit të Zi / Predsjednik Crne Gore
Në këtë moment të krizës së dukshme institucionale dhe kushtetuese në Mal të Zi, ishte e rëndësishme për mua që të kisha një takim me liderët e opozitës, tha presidenti Jakov Millatoviq.
“Ishte e rëndësishme që kishim një takim të tillë, sot në mëngjes kam pasur një takim me liderët e opozitës, sot pasdite do të kem një takim me kryeministrin. Çfarë mund t’ju them, gjendja nuk është e mirë tani. Temë e bisedës ishte kjo krizë kushtetuese, e cila erdhi si rezultat i veprimeve të Komisionit Kushtetues të Parlamentit të Malit të Zi, i cili mori juridiksionin e Gjykatës Kushtetuese dhe kështu hyri në një zonë të veprimeve të kundërligjshme dhe antikushtetuese,“ tha Millatoviq.
Ai tha se situata është shumë e rëndë.
“Mendoj se sigurisht i kam dëgjuar qëndrimet e liderëve të opozitës. Për të njëjtën temë do të përpiqem të flas me kryeministrin pasdite. Siç e dini, ishte partia e kryeministrit ajo që ishte faktori vendimtar, sepse ishin ata që kishin katër deputetë në Komisionin Kushtetues që morën në fund juridiksionin e Gjykatës Kushtetuese. Tashmë kam dhënë një qëndrim të qartë ligjor. Më duket se rrugëdalja nga kjo situatë është anulimi i vendimit të Komisionit Kushtetues. Kjo është pikërisht ajo që më thanë liderët e opozitës”, tha Millatoviq.
Ai shton se duke marrë parasysh gjithçka që ka thënë për këtë temë, kjo është sigurisht një nga mënyrat se si mund të dalim nga kjo krizë kushtetuese.
