Shefja e Departamentit për Epidemiologjinë e Sëmundjeve Infektive në Institutin e Shëndetit Publik (ISHP), Sanja Medenica, tha për TVMZ se ne jemi afër fundit të epidemisë dhe thekson se përgjigja më e mirë u dha nga qytetarët që respektuan masat.
Sidoqoftë, virusi është prezent sepse ai është në vendet fqinje, kështu që, Medenica thotë se, ne nuk duhet të relaksohemi.
“Si qytetarët ashtu edhe media kanë dhënë një kontribut të madh. Të gjithë kemi pasur rolin tonë por qytetarët i respektuan rekomandimet dhe masat, ne ishim përgjegjës dhe jemi të vetëdijshëm që rezultati u arrit për shkak të kësaj”, tha ajo.
Ajo kujtoi se virusi është prezent akoma edhe pse Mali i Zi nuk ka më raste të regjistruara zyrtarisht.
“Çdo ditë kemi një numër të madh të testeve, dhe nuk kemi raste pozitive, por virusi është në popullatën e vendeve përreth dhe ne duhet të mësohemi të ballafaqohemi me të. Ne duhet të përpiqemi të shmangim kontaktet e mëtejshme fizike, për ta mbajtur situatën nën kontroll. Higjiena e duarve dhe hapësira e jetesës, duke përdorur maska kur është e nevojshme ”, thekson Medenica.
“Shërbimet Epidemiologjike dhe mjekët bënë punën e tyre. Edhe atëherë, unë thashë se do të mbanim gjithçka nën kontroll nëse të gjithë do bëjmë punën tonë, dhe kështu ishte, ne bëmë më të mirën,” tha Medenica.
Mali i Zi është në rrugën e duhur për të shpallur fundin e epidemisë dhe për të fituar statusin e destinacionit të parë evropian “Corona Free”.
