Foto: AP
Mbledhja e fundit para Konferencës Ndërqeveritare do të mbahet nesër, kur do të dihet patjetër se sa kapituj do të mbyllë Mali i Zi.
Shtetet anëtare duhet të miratojnë mbylljen e kapitujve dhe vendimi merret unanimisht.
Ministrja e Çështjeve Evropiane, Maida Gorçeviq, dje në emisionin “ “Le të jemi zgjuar”” tha se shpreson që të dielën e ardhshme t’i mbyllim katër kapitujt në Konferencën Ndërqeveritare gjatë presidencës hungareze. Ajo theksoi se pas mbylljes së këtyre kapitujve, qytetarët do të ndjejnë përfitime serioze në periudhën e ardhshme.
Ajo rikujtoi se kapitujt 7, 10, 20 dhe 31 kanë të bëjnë me Pronësinë Intelektuale, Shoqërinë e Informacionit dhe Median, Politikën Industriale dhe Sipërmarrjen, si dhe Politikën e Jashtme dhe të Sigurisë.
„Pritshmëritë realiste janë se do të hyjmë në Bashkimin Evropian në vitin 2028. Nuk kemi qenë kurrë më afër, tani me mbylljen e këtyre katër kapitujve jemi në pragun e një momenti historik”, thotë ajo.
