Foto: Pixabay.com
Së bashku me Shqipërinë, Mali i Zi është vendi i parë në Ballkanin Perëndimor që bëhet pjesë e zonës së vetme të pagesave në euro (SEPA).
SEPA është një nismë e Bashkimit Evropian që synon të thjeshtojë dhe standardizojë transaksionet e pagesave, duke mundësuar pagesa dhe tërheqje më të shpejta, më të lira dhe më të sigurta në euro ndërmjet vendeve anëtare.
Përveç Malit të Zi dhe Shqipërisë, SEPA përbëhet nga të 27 vendet evropiane si dhe Norvegjia, Lihtenshtajni, Zvicra, Monako, Islanda, San Marino, Andorra, Vatikani dhe Mbretëria e Bashkuar, dhe anëtarësimi në të është një hap i rëndësishëm i shtetit drejt integrimit financiar me Bashkimin Evropian
Integrimi në SEPA rrit besimin e investitorëve ndërkombëtarë në sektorin financiar malazez, gjë që mund të inkurajojë hyrjen e investimeve të huaja.
Zbatimi i standardit SEPA hap gjithashtu mundësinë e zhvillimit të produkteve dhe shërbimeve të reja financiare, si kuletat digjitale dhe aplikacionet e pagesave në celular.
