Në vazhdim të seancës së 45-të të Komisionit Legjislativ të mbajtur sot me prezencën e propozuesit, ministrit të Administratës Publike, Marash Dukaj, dhe drejtorit të Përgjithshëm për Infrastrukturë dhe Siguri Informative, Digjitalizim dhe Shërbime elektronike, Dushan Polloviq, u diskutua Propozimi për Ligjin për Sigurinë e Informacionit.
Komisioni në përputhje me kompetencat e tij ka dhënë mendim pozitiv për projektligjin e përmendur.
Qëllimi i miratimit të këtij Ligji është para së gjithash përmbushja e detyrimeve të Malit të Zi në rrugën e anëtarësimit në BE, nëpërmjet respektimit të Direktivës për masat për një nivel të lartë të përbashkët të sigurisë kibernetike (Direktiva NIS 2), si dhe krijimit të kushteve për një hapësirë të sigurt kibernetike në vendin tonë në përputhje me standardet dhe praktikën e BE-së.
