Kryeministri i Malit të Zi, Millojko Spajiq, ka zhvilluar një sërë takimesh me zyrtarë nga Bashkimi Evropian dhe Shtetet e Bashkuara të Amerikës, të cilët do të marrin pjesë në forumin 2BS në Budva.
Gjatë bisedës me përfaqësuesin e lartë të Gjermanisë për Bosnjë e Hercegovinë, Christian Shmit, u theksua se vizioni i qartë i së ardhmes është jashtëzakonisht i rëndësishëm për përparimin e të gjithë rajonit.
Kryeministri Spajiq theksoi se synimi i Malit të Zi është të mbetet lider në integrim dhe të jetë anëtari i parë dhe i ardhshëm i BE-së, por edhe që të gjitha vendet e Ballkanit Perëndimor të bëhen pjesë e familjes së madhe evropiane.
Dinamika e Malit të Zi në integrimet evropiane mund të jetë një shtysë e madhe për vendet e tjera të Ballkanit Perëndimor që të përshpejtojnë rrugën e tyre drejt BE-së, është mesazhi nga takimi i kryeministrit dhe përfaqësuesit të posaçëm të BE-së për dialogun ndërmjet Serbisë dhe Kosovës, Mirosllav Lajçak.
Fokusi i autoriteteve ekzekutive dhe legjislative duhet të mbetet në përmbushjen e kërkesave të agjendës së BE-së dhe mbyllja e kapitujve është hapi tjetër dhe konfirmimi i prekshëm se Mali i Zi po i afrohet ngritjes së flamurit në Bruksel.
Në këtë kontekst, rol të madh luan edhe stabiliteti politik, të cilin praktikisht e garanton përkrahja e Qeverisë nga gati dy të tretat e deputetëve, theksoi kryeministri Spajiq në një bisedë me Sekretarin e Përgjithshëm të Parlamentit Evropian, Klaus Vele.
Anëtarësimi i Malit të Zi në Bashkimin Evropian do të kthente besueshmërinë në të gjithë procesin e zgjerimit, u theksua gjatë takimit të Spajiq dhe Vele.
Anëtarësimi i Malit të Zi në NATO është shumë i rëndësishëm edhe nga pikëpamja e sigurisë, siç u vlerësua në bisedën e kryeministrit Spajiq me zëvendëskryetarin e Komitetit Ushtarak të NATO-s, gjeneralin Andrew Rawlings.
Gjatë takimit, kryeministri Spajiq theksoi rëndësinë e kontributit ushtarak të Malit të Zi në kuadër të Aleancës.
Gjenerali Rawling vlerësoi përpjekjet e Qeverisë së Malit të Zi për të arritur alokimin e 2.02% të PBB-së për mbrojtjen, gjë që konfirmon më tej angazhimin dhe besueshmërinë e saj brenda NATO-s.
