Harmonia dhe solidariteti rreth vlerave themelore të shoqërisë malazeze, përfshirë antifashizmin, janë më të domosdoshme sot më shumë se kurrë, tha Kryeministri Dushko Markoviq.
Me rastin e 9 majit, ditës së fitores mbi fashizmin, ai priti sot Presidentin dhe Sekretarin e Përgjithshëm të Aleancës së Shoqatave të Luftëtarëve të Luftës për lirimin e Popullit Malit të Zi, Zuvdija Hoxhiq dhe Dragan Mitov Gjuroviq.
“Sot, Mali i Zi është në rrugën e përparimit të përgjithshëm falë arritjeve të antifashizmit, lirisë dhe drejtësisë, në të cilën ne jetojmë dhe krijojmë për tetë dekada. Reputacionit historik të vendit tonë si territori i parë çlirimtar në Evropën e skllavëruar i kemi borxh trembëdhjetë korrikut kryengritës dhe luftëtarëve,” tha Kryeministri Markoviq gjatë takimit.
Ai shtoi se Aleanca e Shoqatave të Luftëtarëve të Luftës për lirimin e Popullit është një faktor shoqëror përkatës në Malin e Zi të sotëm, sepse angazhimet Aleancës së Shoqatave të Luftëtarëve të Luftës për lirimin e Popullit Malit të Zi e përkojnë me angazhimet shtetërore të Malit të Zi Euro-Atlantik dhe Demokratik.
Bashkëbiseduesit ranë dakord se mbrojtja dhe ruajtja e arritjeve të antifashizmit është detyrë dhe detyrim i çdo individi, dhe veçanërisht i institucioneve tona demokratike, duke shtuar se harmonia dhe solidariteti rreth vlerave themelore të shoqërisë malazeze, përfshirë antifashizmin, janë më të domosdoshme sot se kurrë.
Duke shprehur mbështetjen e plotë të Qeverisë për përgatitjen e festimit të 80-vjetorit të Kryengritjes së trembëdhjetë të Korrikut, e cila është planifikuar për vitin 2021, Kryeministri uroi luftëtarët, antifashistët dhe të gjithë qytetarët për Ditën e Evropës dhe Ditën e Fitores mbi fashizmin.
Me rastin e ditës së fitores mbi fashizmin, një delegacion i Malit të Zi Ivan Brajoviq, Zoran Pazhin, Zuvdija Hoxhiq, Ivan Vukovic, Gjorgje Suhih, Borivoje Banoviq, vunë me nderime ushtarake, një kurorë në monumentin e luftëtarit Partizan në Goricë.
