Sekretarja e Përgjithshme e Këshillit të Bashkëpunimit Rajonal (RCC), Majlinda Bregu, beson se BE-ja do të jetë më e fortë me Ballkanin Perëndimor të vendosur nën krahun e saj.
Bregu hapi konferencën e organizatave të shoqërisë civile me titull “Vazhdimi i historisë së suksesit të zgjerimit të BE – përfitime për Ballkanin Perëndimor para anëtarësimit”.
Konferenca trajtoi temën e rolit aktual të organizatave të shoqërisë civile në rajon dhe përfshirjen e tyre në procesin e anëtarësimit.
„Nën peshën e krizave të ndryshme të njëpasnjëshme, rimendimi i Bashkimit Evropian shpesh hasi në lodhjen e rajonit tonë në drejtim të reformave si dhe në rezultatet jobindëse të atyre reformave, të cilat krijuan më shumë rrethe vicioze në vend të suksesit. Derisa të realizohen aspiratat e rreth 18 milionë qytetarëve për një bashkim më të fortë që mund të arrijë shumë me Ballkanin Perëndimor në mënyrë të vendosur brenda kufijve të tij, ne po e afrojmë rajonin me tregun e përbashkët rajonal dhe po e afrojmë atë me tregun e përbashkët të Bashkimit Europian, sepse të dyja përshpejtojnë përafrimin shumë të nevojshëm mes Ballkanit Perëndimor dhe BE-së. Pikërisht kësaj i kushton vëmendje të plotë Këshilli për Bashkëpunim Rajonal. Megjithatë, kjo tashmë është një garë me kohën dhe ndikimet konkrete dhe investimet e rëndësishme duhet të ndjehen sa më shpejt në terren,“ tha ajo.
Bregu shton se ndërsa ne e shohim me shpresë zhvillimin pozitiv të së ardhmes së zgjedhjeve të ardhshme, pavarësisht se nuk jemi në gjendje ta formësojmë atë drejtpërdrejt, ne presim nga Komisioni i ri Evropian një fund të shkathët, vendimtar, të besueshëm, të parashikueshëm dhe të pakthyeshëm të aspiratave të brezave për integrimin e rajonit tonë në BE.“
„Një Evropë e orientuar nga njerëzit, e adaptueshme, e reformuar, e rilindur dhe gjithëpërfshirëse, me një Ballkan Perëndimor të integruar fort, përfaqëson investimin më të mirë në paqen dhe sigurinë e të gjithë kontinentit”, theksoi Bregu.
