Zëvendëskryeministri dhe njëherësh ministër i Zhvillimit Ekonomik i Malit të Zi, Nik Gjeloshaj, ka zhvilluar një takim me ambasadoren e Italisë në Mal të Zi, Andrea Marcelo dhe përfaqësues të Telekom Itali “Sparkle”.
Ministri Gjeloshaj u shpreh i kënaqur me takimin dhe theksoi se Qeveria e Malit të Zi është e interesuar për tërheqjen e investimeve të besueshme, me fokus të veçantë në sektorin e TIK-ut, i cili paraqet një mundësi kyçe zhvillimore për Malin e Zi.
Përfaqësuesit e Telekomit Itali “Sparkle” theksuan se kompania e tyre është një nga ofruesit kryesorë të shërbimeve të infrastrukturës dhe rrjetit me shumicë dhe se ata zotërojnë 600,000 km kabllo optike në mbarë botën.
Ata theksuan interesin e Sparkle për zgjerimin e rrjetit të fibrave optike në Mesdhe, duke përfshirë vendosjen e sistemeve të reja kabllore nëndetëse në detin Adriatik.
Në këtë drejtim, ministri Gjeloshaj shprehu mbështetjen e tij për realizimin e ideve dhe propozimeve të suksesshme në Mal të Zi, duke theksuar gatishmërinë e Qeverisë së Malit të Zi për bashkëpunim në realizimin e suksesshëm të projekteve.
