Kryeministri i Malit të Zi Dushko Markoviq u kërkoi ministrave dhe drejtuesve të institucioneve të përgatisin një plan të saktë dhe të qëndrueshëm për të zbutur masat e miratuara në disa faza gjatë 45 ditëve të ardhshme duke filluar nga nesër.
Ai theksoi se Mali i Zi ka arritur rezultate të lakmueshme në luftimin e epidemisë, dhe se ndërsa mbetet në përputhje me detyrën kryesore për mbrojtjen e shëndetit të qytetarëve, ajo duhet të vazhdojë jetën e saj ekonomike dhe shoqërore.
“Çdo fazë pasuese do të varet nga gatishmëria jonë për të ruajtur rezultatet e arritura në luftën kundër epidemisë. Kjo është gjithashtu një parakusht për rimëkëmbjen ekonomike dhe sociale,” thuhet në llogarinë në Twitter të Qeverisë.
Qeveria e Malit të Zi dhe Trupi Koordinues Kombëtar do të bëjnë gjithçka në javët e ardhshme, gjithashtu gradualisht dhe me vendosmëri, për të krijuar kushtet për çlirimin e qytetarëve, sipërmarrësve dhe krijueseve potencial, tha Markoviq.
