Nga shkurti, Podgorica duhet të lidhet me fluturime direkte me Ankaranë dhe Izmir, tha kryetari i Bordit të Drejtorëve të Aeroportit të Malit të Zi, Elldin Dobarxhiq.
“Pasoja logjike e forcimit të marrëdhënieve ekonomike mes Malit të Zi dhe Turqisë është hapja e linjave të reja mes dy vendeve. Sipas njoftimeve paraprake, Pegasus Airlines do të lidhë Podgoricën me fluturime direkte për në Ankara dhe Izmir nga shkurti”, tha ai.
Ai kujtoi se Mali i Zi dhe Stambolli, së bashku me Pegasus, lidhen me Air Montenegro, Turkish Airlines dhe Tailwind Airlines.
“Është gjithashtu e rëndësishme që linja e Turkish Airlines Tivat-Stamboll të jetë për herë të parë gjatë gjithë vitit. Disponueshmëria e linjave ajrore është një nga temat më të rëndësishme jo vetëm për banorët e Malit të Zi dhe biznesmenët nga të dyja vendet, por edhe për diasporën tonë”, shtoi Dobarxhiq.
