Mali i Zi dhe Sllovenia janë aleatë të natyrshëm ekonomikë dhe Podgorica zyrtare mund të llogarisë në mbështetjen e plotë të vendit si ekonomikisht ashtu edhe politikisht në periudhën e ardhshme, tha kryeministri slloven Robert Golob gjatë një takimi me presidentin Jakov Millatoviq.
Millatoviq vizitën e tij zyrtare në Republikën e Sllovenisë e ka përfunduar sot me një takim me kryeministrin e atij vendi, Robert Golob.
Temat e diskutimit ishin përmirësimi i bashkëpunimit dypalësh mes dy vendeve, përkrahja më e fortë e Sllovenisë për përshpejtimin e rrugës evropiane të Malit të Zi dhe forcimi i bashkëpunimit ekonomik.
“Me një takim me kryeministrin po përfundoj vizitën time zyrtare në Slloveni, të cilën e vlerësoj si shumë të mirë dhe në bisedën me kryeministrin morëm një mbështetje të fortë kur është fjala për rrugën evropiane të Malit të Zi. Unë i kërkova kryeministrit, siç bëra me presidenten Pirc Musar, që Sllovenia të jetë një promotore dhe zë akoma më i fortë i Malit të Zi në Bruksel, kur bëhet fjalë për rrugën tonë evropiane, dhe mund t’ju them se pala tjetër është pajtuar që të jetë pikërisht kështu”, tha Millatoviq.
Presidenti tha gjithashtu se marrëdhëniet dypalëshe mes Malit të Zi dhe Sllovenisë janë shumë të mira.
“Sllovenia do të jetë zëri juaj, zëri i Malit të Zi dhe i Komunitetit Evropian, në samitin e Komunitetit Evropian në dhjetor, sepse ne besojmë se në këto kohë ndryshimesh gjeopolitike duhen edhe histori pozitive, histori pozitive në Ballkanin Perëndimor, dhe Jam i bindur se Mali i Zi mund të jetë një nga historitë më të bukura pozitive për përafrimin e vendeve të Ballkanit Perëndimor me Bashkimin Evropian. Ne jemi optimistë se është e mundur që Mali i Zi të bëhet anëtar i Bashkimit Evropian në vitin 2028”, tha kryeministri i Sllovenisë.
