Qendra e Kardiologjisë e Klinikës së Sëmundjeve të Zemrës e Qendrës Klinike të Malit të Zi (QKMZ) ka shënuar sot me aktivitete shëndetësore dhe parandaluese 29 shtatorin – Ditën Botërore të Zemrës.
“Fushata globale e sivjetme e Federatës Botërore të Kardiologjisë për Ditën Botërore të Zemrës festohet me sloganin “Përdorni zemrën, njihni zemrën” dhe Dita Botërore e Zemrës është themeluar në vitin 2000”, njoftuan nga institucioni shëndetësor.
Dita Botërore e Zemrës festohet çdo vit më 29 shtator dhe Klinika e Sëmundjeve të Zemrës QKMZ vendosi t’i bashkohet kësaj nisme globale për të tërhequr vëmendjen e publikut për rëndësinë e kujdesit për shëndetin e zemrës.
“Sot nga ora 10 deri në ora 12, mjekët dhe infermierët e Qendrës së Kardiologjisë iu përgjigjën pyetjeve rreth sëmundjeve kardiovaskulare, ndanë këshilla, materiale promovuese për ruajtjen e shëndetit dhe matën presionin e gjakut”, thuhet në njoftim.
Klinika për sëmundjet e zemrës do të vazhdojë me aktivitete që synojnë edukimin dhe parandalimin e sëmundjeve të zemrës, në mënyrë që të kontribuojë në përmirësimin e shëndetit të popullatës së Malit të Zi.
