Ministri i Shëndetësisë, Dragosllav Shqekiq, në seancën e Qeverisë tha se sistemi shëndetësor për momentin po funksionon pakrahasueshëm më mirë se më parë dhe se përmes menaxhimit familjar kanë arritur të kursejnë miliona euro, të cilat më herët janë derdhur në xhepat privatë.
“Mund të them lirisht se në këtë vit është bërë më shumë për sistemin shëndetësor sesa në 15 vitet e kaluara”, tha ministri.
Siç thotë ai, spinacionet mediatike për sistemin shëndetësor janë të pasakta. “Në dy vitet e kaluara është ndalur dalja e mjeteve nga shëndetësia publike në xhepat privatë dhe janë parandaluar mbi 15 milionë euro që janë derdhur në xhepat privatë”, tha Shqekiq.
Kryeministri Dritan Abazoviq tha se është thelbësore të theksohet se Qeveria e 43-të i mundësoi të gjitha procedurat për të filluar ndërtimin e një spitali të ri në Plevle.
“Sezoni ka mbaruar dhe le të vijë dikush që ka regjistruar ndonjë incident në sistemin shëndetësor të Malit të Zi, i cili ka arritur me sukses të ofrojë shërbime mjekësore gjatë verës”, tha Abazoviq.
Ministri i Zhvillimit Ekonomik dhe Turizmit, Goran Gjuroviq ka falënderuar të gjithë mjekët që, siç thotë ai, bënë një punë fantastike gjatë sezonit.
Ai tha se kemi kaluar një sezon shumë të mirë, dhe se edhe në shtator ka një numër të madh të mysafirëve në bregdet.
Ai parashikoi një passezon të mirë.
“Jam i sigurt se po shkojmë në drejtimin e sezonit 365. Unë apeloj që të besojmë në veten tonë dhe jo gjithmonë të degradojmë suksesin tonë. Sepse suksesi i sezonit nuk është sukses i qeverisë sime, por i të gjithë qytetarëve të Malit të Zi”, tha Gjuroviq.
