Presidenti i Malit të Zi, Jakov Millatoviq tha se pret qëndrim të përgjegjshëm dhe transparencë në procesin e propozimit të Qeverisë nga përfaqësuesi Millojko Spajiq dhe vendimmarrje sovrane për propozimin dhe programin e Qeverisë në përputhje me vullnetin zgjedhor të qytetarëve.
Ai tha se pas fitores historike në zgjedhjet presidenciale, e cila hapi një faqe të re të zhvillimit demokratik në Mal të Zi, ai nuk mori pjesë aktive në fushatën zgjedhore që i paraprinë zgjedhjeve parlamentare dhe as në negociatat për formimin e Qeverisë së 44-të.
“Propozimin e mandatarit për përbërjen e Qeverisë e kam bërë në përputhje me detyrimet e përcaktuara kushtetuese, në një periudhë shumë të shkurtër kohore dhe pas diskutimeve me të gjitha subjektet politike të përfaqësuara në mbledhjen e re të Kuvendit të Malit të Zi,” ka thënë Millatoviq për Vijesti.
“Përgjegjësia për procesin e mëtutjeshëm të formimit të Qeverisë është e mandatarit dhe subjekteve politike që udhëheqin negociatat”, tha Millatoviq.
Nga pikëpamja programore, siç vlerëson ai, prioritetet e Qeverisë së ardhshme duhet të përqendrohen në hyrjen e shpejtë të Malit të Zi në Bashkimin Evropian, luftën kundër krimit të organizuar dhe korrupsionit dhe zhvillimin e qëndrueshëm ekonomik.
