Shpërndarja e teksteve shkollore për nxënësit e shkollave fillore filloi të hënën dhe do të vazhdojë deri në fund të muajit, tha për TVMZ Dushan Petriçeviq nga Instituti për tekste shkollore.
“Instituti bëri gjithçka që tekstet të shtypeshin në kohë”, tha Petriçeviq, duke shtuar se shpërndarja e teksteve është një punë që do ta bëjnë shkollat.
Ai përkujtoi se shteti ka ndarë rreth katër milionë euro nga buxheti për t’i pajisur me libra falas të gjithë nxënësit e shkollave fillore.
“Për shkollën e mesme tekstet shkollore nuk janë falas, çmimet fillojnë nga 105 euro për vitin e parë të gjimnazit, 88 euro për vitin e dytë dhe të tretë dhe 83 euro për vitin e katërt. Ka edhe tekste të reja, përkatësisht Sociologjia për vitin e tretë të gjimnazit dhe për shkollën e mesme profesionale Çitanka, kështu që do të ketë disa korrigjime të vogla në çmime”, tha Petriçeviq.
Siç tha ai, pret që shitja e teksteve shkollore për shkollat e mesme të fillojë më 20 gusht.
“Çmimet nuk kanë ndryshuar në vitet e fundit”, përfundoi Petriçeviq.
