Socialdemokratët (SD), si trashëgimtarë të idesë së Partisë Socialdemokrate (PSD), duhet të jenë pjesë e qeverisë së re, tha kryetari i Alternativës Shqiptare, Nik Gjeloshaj.
Ai tha se SD-ja është parti e cila është reformuar tërësisht në vitet e fundit dhe këtë e ka treguar qëndrimi i tyre për mandatarin për përbërjen e Qeverisë së 44-të pas konsultimeve me presidentin e Malit të Zi, Jakov Millatoviq.
“SD beson se (Millojko) Spajiqit duhet t’i jepet një mandat, që është një tregues se Mali i Zi respektohet si një demokraci parlamentare, se SD është një parti që po rritet në një ide serioze politike dhe që menaxhohet nga individë të rinj dhe të arsimuar,” tha Gjeloshaj.
Ai tha se pas rënies së PSD-së në zgjedhjet parlamentare, SD-ja, si pjesë e shkëputur, por që tani është vazhduese e idesë së PSD-së nga vitet ’90, duhet të jetë pjesë e qeverisë së re.
„Nëse në parim avokohemi që PSP të jetë një faktor, unë mendoj se kështu duhet të jetë edhe SD. Në fund të fundit, ato janë dy anë të ndryshme të medaljes malazeze, por si të tilla janë pjesë e shoqërisë sonë”, theksoi ai.
Sipas Gjeloshajt, PSP ka treguar kapacitetin e saj demokratik, duke deklaruar qartë se mandati për të formuar qeverinë i takon Spajiqit.
Sipas tij, kjo është dëshmi e respektimit të vullnetit të popullit, si dhe procedurave dhe rregullave parlamentare dhe zgjedhore.
“Duke qenë se sot të gjithë janë të mendimit se pakicat duhet të jenë pjesë e qeverisë, të gjithë kemi nevojë për një qëndrim serioz dhe e kam fjalën për një qëndrim shumë dashamirës, që edhe PSP-ja dhe SD-ja duhet të jenë pjesë e qeverisë”, theksoi Gjeloshaj.
Ai tha se shpreson që këtë qëndrim dhe parim do ta kenë të gjitha partitë politike që do të formojnë shumicën e re, por edhe mandatari potencial Spajiq.
“Mali i Zi dëshiron zhvillim, si dhe që ne të punojmë së bashku, por edhe të pajtojmë dhe respektojmë të kaluarën dhe në këtë mënyrë mund të ndërtojmë një të ardhme të përbashkët”, përfundoi kreu i ASH-së, Nik Gjeloshaj.
