Nëse jeni duke kërkuar lehtësim nga nxehtësia e verës, rezistoni dëshirës për ta ulur në mënyrë dramatike temperaturën në termostat. Ekspertët thonë se ulja e termostatit vetëm do ta ngarkojë kondicionerin tuaj, i cili tashmë duhet të punojë më shumë kur është nxehtë.
Kjo verë tashmë po bëhet shumë e nxehtë, duke rritur shanset që ky vit të jetë më i nxehti në histori në Tokë. Moti ekstrem po ngre shqetësime për ndërprerjet e energjisë elektrike dhe ekspozimin ndaj nxehtësisë së rrezikshme.
Në këtë drejtim, shumëkush është në kërkim të një “recete” për mënyrën më efikase të përdorimit të kondicionerit për të ftohur sa më lehtë dhe sa më shpejt shtëpinë e tyre në ditët e nxehta të verës.
Temperatura më e ulët nuk do të thotë ftohje më e shpejtë
Kur temperatura e brendshme është më e ngrohtë se ajo në të cilën është vendosur termostati juaj, sistemi juaj do të aktiviziohet. Megjithatë, vendosja e termostatit në një temperaturë vërtet të ulët nuk e rrit kapacitetin ftohës të kondicionerit tuaj.
Nëse e vendosni termostatin në një temperaturë që tejkalon kapacitetin e kondicionerit tuaj, sistemi do të vazhdojë të funksionojë ndërsa përpiqet ta ftohë shtëpinë deri në atë pikë. Gjithashtu, funksionimi i vazhdueshëm i kondicionerit konsumon energji dhe mund ta shkurtojë jetën e pajisjes.
Temperatura më e mirë kur është e nxehtë
Një studim i kryer në kampusin e Universitetit të Gjeorgjisë në Athinë në verën e vitit 2014 zbuloi se njerëzit ndihen rehat në temperaturat e brendshme midis 21 dhe 25 gradë Celsius.
Agjencia Amerikane për Mbrojtjen e Mjedisit sugjeron që njerëzit të vendosin kondicionerët e tyre në 25 gradë gjatë verës, ndërsa janë në shtëpi për të maksimizuar kursimet në faturat e shërbimeve. Megjithatë, rehatia është subjektive dhe ajo që funksionon për një familje mund të mos funksionojë për një tjetër.
Vendosja më e mirë kur jeni jashtë
Kur jeni larg shtëpisë për një periudhë të gjatë kohore, ekspertët sugjerojnë vendosjen e termostatit 3 deri në 6 gradë më ngrohtë se zakonisht.
Programimi i termostatit në një temperaturë më të lartë tetë orë në ditë, mund të rezultojë në kursime vjetore të energjisë deri në 10 përqind në ngrohje dhe ftohje.
Metoda të tjera të ftohjes
Kur është vërtet nxehtë jashtë, mund të ndihet sikur është më nxehtë brenda, edhe pse termostati është vendosur në një temperaturë që zakonisht është e rehatshme për ju. Në vend që ta ulni temperaturën, mund të përdorëni metoda të tjera ftohjeje.
Ventilatorët e tavanit, për shembull, mund të jenë shumë të dobishëm dhe zakonisht kërkojnë pak energji për të funksionuar.
Sigurohuni që perdet tuaja të jenë të mbyllura gjatë pjesëve më të nxehta të ditës. Shmangni përdorimin e pajisjeve të tilla si pjatalarëse, furra, pjata dhe tharëse, të cilat mund t’i bëjnë hapësirat më të nxehta dhe më të lagështa dhe ta detyrojnë kondicionerin tuaj të punojë më shumë.
