Presidenti i Malit të Zi Jakov Millatoviq tha pas samitit të NATO-s në Vilnius se qeveria e re malazeze duhet të jetë pro-evropiane dhe pro reformës dhe se kushdo që ndan vlerat evropiane në Mal të Zi duhet të jetë pjesë e qeverisë.
Ai tha gjithashtu se gjatë bisedimeve me zyrtarë të huaj nuk është përmendur se kush mund dhe kush nuk mund të jetë pjesë e qeverisë.
Ai ka shprehur besimin se rezultatet e zgjedhjeve do të shpallen së shpejti, në mënyrë që të fillojë konsultimet me përfaqësuesit e partive për formimin e qeverisë.
Millatoviq theksoi se këshilltarit të tij Dejan Vukshiq i është dhënë pozita në bazë të referencave akademike dhe profesionale dhe se ka besim tek ai se do ta kryejë punën e tij në mënyrën e duhur.
Ai theksoi se të gjithë ata që ndiqen penalisht në Mal të Zi duhet të mbajnë përgjegjësi dhe kjo është mënyra e vetme që vendi të ndërtojë një shoqëri të shtetit të së drejtës.
Ai përkujtoi se së fundmi në Serbi ka sjellë para autoriteteve serbe rastin e Svetozar Maroviqit, i cili kërkohet nga Mali i Zi për të vuajtur dënimin me burg. Ai ka thënë se është i kënaqur që ka pasur rastin të udhëheqë delegacionin malazez në samitin e NATO-s.
Ai tha se në samit u dërgua një mesazh i fortë për Ukrainën se ajo ka perspektivën e anëtarësimit të ardhshëm në NATO.
“Ne ndajmë shqetësimin e aleancës në lidhje me ngjarjet në Kosovë dhe u bëjmë thirrje të dyja palëve që të de-përshkallëzojnë tensionin dhe dialogun për të normalizuar marrëdhëniet brenda platformës së ofruar nga BE-ja”, tha Millatoviq.
