Ministria e Administratës Publike do të ofrojë mbështetje të plotë në çdo segment të zhvillimit të kryeqytetit në mënyrë që të sigurojë ofrim efikas të shërbimeve për qytetarët, u theksua sot në takimin e kryetares së Komunës së Podgoricës Olivera Injac dhe ministrit Marash Dukaj.
“Ministria ka formuar një grup pune me detyrë të përgatisë një analizë të funksionimit të sistemit të vetëqeverisjes lokale, e cila duhet të ofrojë dëshmi të qarta për decentralizim të qëllimshëm që do të kontribuojë në demokratizimin e shoqërisë, përgjegjësinë, efikasitetin dhe ofrimin e të shërbimeve që do të sigurojnë një jetë cilësore për qytetarët në komunitetin lokal”, tha ministri.
Dukaj tha se Ministria e Administratës Publike është plotësisht e përkushtuar në procesin e decentralizimit dhe fuqizimit të sistemit të vetëqeverisjes lokale në Mal të Zi.
Injac e informoi ministrin për projektet dhe planet zhvillimore aktuale të kryeqytetit.
“Jam e bindur se në periudhën e ardhshme Ministria e Administratës Publike do të jetë një partner i besueshëm dhe i përgjegjshëm në drejtim të përmirësimit të mëtejshëm të punës së vetëqeverisjes lokale dhe shërbimit efikas ndaj qytetarëve. Reformat dhe riorganizimi i sistemit janë në fokus të Kryeqytetit dhe jam e sigurt se ka shumë hapësirë për të përmirësuar bashkëpunimin me arritjen e rezultateve konkrete. Synimi ynë është të vendosim standarde të reja në nivelin e parimeve të menaxhimit të mirë, të vazhdojmë me zgjidhjet e avancuara digjitale dhe të ofrojmë shërbime cilësore për të gjithë qytetarët”, përfundoi ajo.
