Bashkimi Evropian (BE) ka miratuar një buxhet prej 1 miliard eurosh në mbështetje të Ukrainës me municione në kuadër të instrumentit financiar të Fondit Evropian të Paqes.
Këshilli Evropian njoftoi se paketë financiare prej 1 miliard eurosh u pranua për të mbështetur ushtrinë ukrainase në kuadër të instrumentit financiar të Fondit Evropian të Paqes.
Sipas njoftimit, BE-ja do të jetë në gjendje të kompensojë vendet anëtare për municionet që i kanë dhuruar Ukrainës nëpërmjet rezervave të tyre aktuale ose porosive të bëra midis 9 shkurtit dhe 31 majit të vitit 2023.
Masa në fjalë synon të përshpejtojë shpërndarjen dhe burimin e përbashkët të objektivit të vendeve anëtare për të dërguar 1 milion predha artilerie në Ukrainë deri në fund të vitit.
Me këtë ndihmë, kontributi i përgjithshëm i BE-së për Ukrainën në kuadër të Fondit Evropian të Paqes do të rritet në 4.6 miliardë euro.
