Pushteti lokal duhet të ketë të drejtën e burimeve të duhura të financimit me të cilat do të disponojë lirisht, në kuadër të kompetencave të veta, tha ministri i Administratës Publike Marash Dukaj, duke theksuar se pa autonomi të konsiderueshme financiare dhe materiale, koncepti dhe funksionimi i vetëqeverisjes lokale humbet kuptimin e saj.
Dukaj në tekstin e autorit “Ku dhe si më pas në procesin e decentralizimit?” deklaroi se vetëqeverisja lokale është pjesa e administratës publike që është më afër qytetarëve, me të cilën ata janë në kontakt të vazhdueshëm dhe të drejtpërdrejtë.
“Është pjesa e administratës në të cilën qytetarët shohin, ndjejnë dhe kanë mundësi të krijojnë politika në nivel lokal përmes pjesëmarrjes së drejtpërdrejtë”, tha Dukaj.
Sipas tij, parimi i qeverisjes së decentralizuar, që përfshin autonominë vendimmarrëse të vetëqeverisjes lokale, është karakteristikë e rëndësishme e të gjitha shteteve moderne, demokratike.
Dukaj tha se shkalla e demokracisë së shtetit shihet nga gjerësia dhe garancitë e vetëqeverisjes lokale të tij.
