Ministri i Administratës Publike, Marash Dukaj, priti në takim ambasadorin e Ukrainës, Oleh Herasimenko, dhe bashkëbiseduesit shprehën kënaqësinë për bashkëpunimin e mëparshëm miqësor dhe theksuan se ka hapësirë për konkretizimin e bashkëpunimit në disa fusha.
Misioni i MAP është, ndër të tjera, të përmirësojë procesin digjital dhe rrjedhimisht zhvillimin demokratik të shoqërisë malazeze.
Në këtë kuptim, bashkëbiseduesit ranë dakord se bashkëpunimi mes dy vendeve mund të konkretizohet përmes projekteve të përbashkëta, me theks të veçantë në prezantimin e shërbimeve të reja elektronike.
“Jemi të përkushtuar për krijimin e një administrate publike efikase të përshtatur për qytetarët, dhe në këtë kuptim të hapur për bashkëpunim dhe realizim të projekteve të përbashkëta”, theksoi Dukaj.
Ambasadori Herasimenko theksoi rëndësinë e mbështetjes dhe ndihmës që Mali i Zi i ka dhënë Ukrainës që nga dita e parë, duke thënë se Mali i Zi është shembull për të gjitha vendet e rajonit dhe Evropës.
“Ukraina gjithashtu përballej me sulme kibernetike në baza ditore dhe përmes sistemeve tona të mbrojtjes arritëm të shpëtonim shërbimet dhe sistemet tona të informacionit”, theksoi ambasadori.
“Përvojat dhe ekspertiza e institucioneve të Ukrainës në fushën e teknologjisë informative do të ishin të një rëndësie të pamatshme për të gjitha aktivitetet që kemi filluar me qëllim të forcimit të sigurisë kibernetike në Mal të Zi”, ka theksuar ministri Dukaj.
Bashkëbiseduesit ranë dakord për vazhdimin e komunikimit për çështjen e forcimit të bashkëpunimit miqësor dhe përcaktimit të drejtimeve kryesore strategjike të tij.
