“Sa më shpejt të jetë e mundur, ne do të përmirësojmë mekanizmat për koordinimin e procesit të anëtarësimit në BE, do të rivendosim pozicionin e kryenegociatorit dhe do të përfundojmë formimin e strukturës së negociatave. Kjo është thelbësore për të siguruar zbatimin dhe monitorimin efikas dhe cilësor të zbatimit të të gjitha reformave që janë pjesë e agjendës evropiane të Malit të Zi dhe së fundi për të përshpejtuar anëtarësimin në BE,” tha në seancë kryeministri në mandatin teknik Dritan Abazoviq.
Në rendin e ditës të seancës që u mbajt sot ishte shqyrtimi i statusit të strukturës së negociatave dhe nevoja për përmirësimin e koordinimit të procesit të negociatave.
Gjithashtu, u ra dakord që përmes ndryshimit të vendimit për strukturën e negociatave, të inicohet formimi i një trupi të ri koordinues, i cili do të jetë i ngarkuar me monitorimin e zhvillimit dhe zbatimit të Programit për anëtarësimin e Malit të Zi në Bashkimin Evropian, përmbushja e detyrimeve që dalin nga standardet e përkohshme dhe përfundimtare, si dhe çështje të tjera që lidhen me çështjet ligjore dhe përmbushjen e detyrimeve që dalin nga procesi i negociatave ndërmjet Malit të Zi dhe Bashkimit Evropian.
