Qeveria miratoi AgroBuxhetin për vitin 2023 me vlerë 66 milionë euro. Ministri i Bujqësisë Vladimir Jokoviq tha se ky është buxheti më i madh bujqësor në histori.
“Buxheti bujqësor për vitin 2023 është 66.9 milionë euro, 44,72 milionë nga buxheti i shtetit, 11 mijë nga donacionet dhe 9,8 milionë nga kreditë. Prandaj, ky është buxheti më i madh bujqësor në historinë e Malit të Zi”, tha Jokoviq.
Ai tha se i kanë bërë thirrje fermerëve që të marrin pajisje sepse do të kenë mbështetjen mbi 58 për qind. “Besoj se po vijnë ditë shumë më të mira për prodhuesit bujqësorë. Mendoj se ky buxhet bujqësor do të japë rezultatet më të mira, edhe pse asnjëherë nuk ka para të mjaftueshme për bujqësi”, tha Jokoviq.
Tëhiqet propozimi për parapagim në Institutin Igalo
Qeveria nga seanca e sotme tërhoqi propozimin për pagesën e avanseve nga Fondi i Sigurimeve Shëndetësore për Institutin për Mjekësi Fizike, Rehabilitim dhe Reumatologji “Dr.Simo Millosheviq” në bazë të shërbimeve rehabilituese në vitin 2023 në vlerë prej 1.2 milionë euro.
“Mali i Zi do të kishte një anije kozmike nëse ‘Vasilije’ do të kishte punuar për 20 vjet”
Qeveria i ka dhënë pëlqimin kompanisë “Morsko Dobro” që brenda 30 ditëve të nisë procedurën e ribalancimit të buxhetit të saj për vitin 2023 për të blerë ose dhënë me qira deri në gjashtë tragete dhe pajisje shoqëruese.
Kryeministri Dritan Abazoviq tha se Mali i Zi do të kishte një anije kozmike nëse trageti Vasilije do të funksiononte për 20 vjet.
Kryeministri Abazoviq tha se janë marrë të gjitha masat për sigurimin e trageteve.
Paralajmërohen marrëveshje me Shqipërinë në fushën e energjisë, projekteve të infrastrukturës dhe urës ndërshtetërore në lumin Buna
Sekretari shtetëror në Ministrinë e Investimeve Kapitale, Admir Shahmanoviq, në seancën e sotme të Qeverisë ka shpallur tri marrëveshje me Shqipërinë.
Shahmanoviq paralajmëroi marrëveshje me Shqipërinë në fushën e energjisë, projekteve të infrastrukturës, si dhe urës ndërshtetërore në lumin Buna.
“Ne kemi një bazë të propozuar për zhvillimin e negociatave dhe lidhjen e një memorandumi ndërmjet Ministrisë së Investimeve Kapitale dhe Ministrisë së Energjisë Infrastrukturore të Shqipërisë. Kemi gjithashtu një bazë të propozuar për zhvillimin e negociatave dhe përfundimin e një marrëveshjeje ndërmjet Qeverisë së Malit të Zi dhe Këshillit të Ministrat e Republikës së Shqipërisë në ndërtimin e një ure ndërshtetërore mbi lumin Buna”, tha Shahmanoviq.
