Presidenti i Malit të Zi, Milo Gjukanoviq, priti në takim anëtarët e Misionit të Vlerësimit të Nevojave të OSBE/ODIHR-it, i cili po viziton Malin e Zi në prag të zgjedhjeve të ardhshme presidenciale. Gjukanoviq përshëndeti reagimin e shpejtë të ODIHR-it, pas shpalljes së zgjedhjeve presidenciale, me pakënaqësi që Mali i Zi i mirëpret këto zgjedhje pa reformën e plotë të legjislacionit zgjedhor, në kushtet e një krize të thellë institucionale dhe politike, polarizimit social dhe ndërhyrjeve të forta nga palët e treta. Gjukanoviq i njoftoi bashkëbiseduesit me ngjarjet pas zgjedhjeve të fundit parlamentare dhe pasojat e ndryshimeve, të cilat, megjithëse përfaqësojnë një nga arritjet demokratike, nuk i sollën të mira Malit të Zi dhe përcaktimit të tij strategjik. Në këtë drejtim, ai tha se interesi i vendit parësor është të rivendosë stabilitetin dhe të ecë përpara në procesin e integrimit, i cili mund të arrihet vetëm duke zgjedhur një qeveri pro-evropiane kompetente dhe me përgjegjësi kombëtare”. Gjukanoviq, siç u njoftua, me gatishmëri të shprehur për bashkëpunim të mëtutjeshëm, theksoi se sfida e madhe për sigurimin e rregullsisë së zgjedhjeve në kushte të tilla duhet parë me sy hapur dhe se si së bashku mund ta përmirësojmë situatën për të arritur një mjedis në të cilat qytetarët mund të shprehen lirshëm.
