Rrit rrezikun e shfaqjes së sëmundjeve të shumta
Dhjami në stomak më së vështiri hiqet, por mund të shkaktojë edhe sëmundje kronike, paralajmërojnë ekspertët, por më së shumti shtresohet nga ushqimi i pashëndetshëm.
Mënyra e shpejtë e jetës, qëndrimi ulur në punë, si edhe stresi shkaktojnë obezitet te shumica e njerëzve.
Mënyra e parregullt e jetës dhe moskujdesi për trupin, pos problemit estetik, mund të shkaktojë edhe probleme shëndetësore.
Problemi më i shpeshtë, përkatësisht grumbullimi i dhjamit, shfaqet në zonën abdominale, ndërsa, sipas ekspertëve, pikërisht nga ajo zonë është më e vështirë heqja e kilogramëve të tepërt.
Nutricionistja Sydney Green paralajmëron se dhjami në stomak përbën një rrezik më të madh për shëndetin sesa dhjami në kofshët, vithet dhe ijët.
“Arsyeja për këtë është se dhjami që gjendet më së shumti në stomak mbush hapësirën midis organeve dhe çon në procese inflamatore që janë të ndryshme nga dhjami në pjesët e tjera të trupit”, thotë nutricionistja.
Me konstatimin e saj është pajtuar dhe nutricionistja Melissa Rifkin, e cila vë në dukje se dhjami i brendshëm çliron hormone që shkaktojnë inflamacion, gjë që çon në një efekt negativ në organet dhe enët e gjakut.
Kjo mund të konsiderohet edhe si një faktor rreziku për sëmundje të shumta kronike siç janë diabeti dhe sëmundjet kardiovaskulare.
“Ushqehuni shëndetshëm duke u fokusuar në fibra dhe proteina që do t’ju ndihmojnë të ndiheni më të ngopur më gjatë dhe të parandaloni të ngrënit e tepërt, i cili përndryshe kontribuon në yndyrën e brendshme. Në vend të patatinave, kënaqni dëshirat tuaja për të ngrënë ushqime duke ngrënë kokoshka, e cila është një kokërr të plotë dhe një burim i mirë fibrash ”, tha dietologia dhe nutricistja Mia Syn.
Syn thekson se yndyrat trans që gjenden në ushqimet e skuqura kontribuojnë në yndyrën e barkut, ashtu si edhe ushqimet e përgatitura me margarinë. /Telegrafi/
