Akullorja me limon është një prej ëmbëlsirave më të kërkuara gjatë verës sepse është freskuese dhe kjo agrume është shumë e çmuar për shëndetin. Perfekte si për fëmijët ashtu dhe të rriturit, akullorja me limon mund të realizohet edhe në shtëpi pa qenë nevoja e një pajisjeje për akullore.
Përbërësit
- 150 ml lëng limoni
- Lëkura e grirë e një limoni
- 150 gr sheqer
- 200 ml pana embelsirash
- 200 ml qumësht.
Udhëzimet
- Merrni një tas që është i përshtatshëm për ngrirje dhe vendoseni në zonën e ngrirjes në frigorifer.
- Hidhni në mikser lëkurën e grirë të limonit dhe rriheni me sheqerin derisa të krijohet një pluhur i imët.
- Shtoni qumështin dhe panën në një tenxhere dhe më pas sheqerin e rrahur me lëkurën e limonit.
- Vendoseni në zjarr dhe lëreni të ziejë duke e trazuar. Pas 5 minutash fikni sobën dhe lëreni të ftohet.
- Shtrydhni limonin dhe filtrojini lëngun. Shtojani lëngun përzierjes që ndërkohë është ftohur. Përziejeni mirë dhe lëreni në frigorifer për 1 orë.
- Pastaj përziejeni me lugë druri dhe vendoseni në tasin që keni ngrirë në frigorifer.
- Vendoseni në ngrirje dhe përziejeni çdo 1 orë, derisa të marrë konsistencën që dëshironi.
- Ju bëftë mir!
