Dihet prej kohësh që telefonat celularë shpërqendrojnë shoferët. Që përdorimi i tyre gjatë vozitjes mund të shkaktojë aksident gjithashtu nuk është e re. Megjithatë, njerëzit lëvizin në rrugët tona sikur nuk ka asnjë rrezik dhe sikur asgjë nuk është e ndaluar. Njëra dorë në timon, tjetra në telefon. Vështrimi dhe vëmendja, askund mbizotëruese. Kështu vozitin një numër i madh i shoferëve tanë. Dhe duket, i pavetëdijshëm për shumë përvoja të këqija. “Të rritet kontrolli i përdorimit të celularit përmes kontrollit policor, sepse e njeh ligji i trafikut, i cili parasheh gjoba nga 80 deri në 200 euro për përdorimin e celularit gjatë vozitjes”, tha Millosh Peroviq nga Alfa Center. “Ato dispozita penale duhet të jenë shumë më të mëdha se ato që tani vlejnë me ligj, sepse në të kundërtën do të vazhdojë të përdoret telefoni celular”, theksoi eksperti i komunikacionit Goran Çarapiq. Është e qartë se shumë aksidente trafiku shkaktohen nga përdorimi i telefonit. Mirëpo, Çarapiq thotë se nuk ka të dhëna statistikore për këtë.
