Kryeministri në mandatin teknik, Dritan Abazoviq, në takimin e sotëm me punëtorët e Hekurudhës-Nikshiq ka njoftuar se fabrikën do ta marrë Elektroekomia e Malit të Zi dhe se afati për shitjen e aksioneve është 26 shtatori. Abazoviq tha se do të bisedoj me përfaqësuesit e kompanisë turke Tosyali Holding dhe se do të kërkoj që punëtorët të mos pushohen nga puna më 1 shtator. Puntorët e hekurudhës shpresojnë se do të arrihet një kompromis dhe thonë se janë gati të qëndrojnë pa pagesë për 26 ditët deri në shitjen e fabrikës, vetëm nëse nuk pushohen nga puna. Deri atëherë, siç thanë ata, në shenjë proteste mbeten në çatinë e Hekurudhës, ndonëse janë të kënaqur me rezultatin e takimit dhe të premten do të vijnë sërish para Qeverisë. “Që nga dita e parë kemi hyrë në gjithë këtë me bindjen se kjo do të zgjidhet në interes të punëtorëve, të shtetit, të Nikshiqit dhe të Hekurudhës, që të mbijetojë, kështu që nuk po mendojmë për variantin e dytë, të zi,” tha një nga përfaqësuesit para takimit Lubisha Gjikanoviq.
