Kryeministri spanjoll, Pedro Sanchez, tha se më shumë se 500 persona kishin humbur jetën gjatë valës 10 ditore të të nxehtit që mbërtheu vendin, ndërsa evropa po bën bilancin e temperaturave ekstreme që thyen cdo rekord. Protestuesit e ndryshimeve të klimës, thonë se moti përvëlues duhet të jetë një thirrje zgjimi për kontinentin. “Kjo nuk ka të bëjë me ideologjitë por me realitetin, me emergjencën e klimës nëpër të cilën planeti po kalon”, tha Sanchez. Duke folur para pemëve të shkrumbuara në rajonin verilindor të Zaragozës, Sanchez i kërkoi njerëzve të tregojnë kujdes maksimal. Ai citoi shifrat e autoriteteve shëndetësore, që vlerësojnë se numri i viktimave të të nxehtit është në rritje.