Ministri i Financave, Aleksandar Damjanoviq, ka bërë të ditur se dikasteri i tij dhe Qeveria planifikojnë të ofrojnë ndihmë të njëhershme për të gjithë pensionistët në Mal të Zi, të ashtuquajturin pension të 13-të, përmes ribalancimit të buxhetit. “Duke marrë parasysh gjendjen e vështirë sociale të numrit më të madh të pensionistëve në vend dhe paralajmërimin e një vjeshte mjaft problematike për sa i përket furnizimit me ushqime bazë dhe burimeve të energjisë dhe çmimeve të tyre, Qeveria dhe Ministria janë të mendimit se do të ofrojnë ndihmë një herë për të gjithë pensionistët në Mal të Zi. Mund ta quajmë të ashtuquajturin pension të 13-të”, tha Damjanoviq. Ai shtoi se do të mendojë për momentin kur do t’i sigurojë këto mjete dhe kur do t’ua ndajnë pensionistëve. Damjanoviq po ashtu tha se nga Kuvendi do të varet nëse rebalanci i buxhetit do të miratohet në fund të korrikut apo gjatë shtatorit.
