Kompania Plantacionet realizoi, gjatë vizitës së guvernatorit të shtetit federal të Maine, Pol Lepejxh, kontakte të reja që do të përmirësojnë lidhjet ekonomike të Malit të Zi dhe tregjet e rëndësishme të eksportit, ku kjo kompani realizon rreth 65 përqind të prodhimit të saj total.
Lepejxh, i shoqëruar nga ambasadorja e Shteteve të Bashkuara të Amerikës në Mal të Zi, Margaret En Uehara, u prit nga Verica Marash, Drejtoresha Ekzekutive e Plantacioneve dhe Millan Millutinoviq, Drejtor i eksporteve të Plantacioneve, të cilët gjatë vizitës së tyre në bodrumin e Shipshanikut, mysafirëve ua prezantuan historikun e kësaj kompani, si dhe aktiviteteve të shumta të suksesshme të kësaj kompani.
“Mysafirëve u është prezantuar prodhimi i materialit të mbjelljes së rrushit, prodhimi i verërave premium, punimi në përmirësimin e llojllojshmërisë autoktone, objekteve hotelierike dhe puna në zhvillimin e turizmit të verës”, thuhet në deklaratë.
Në fund të vizitave në Shipçanik dhe bisedave më të mëdha për kapacitetet e kompanisë, metodat e prodhimit dhe shitjes, por edhe për provën e rakisë më të famshme malazeze Kruna, të ftuarve u është seruar një drekë pune gjatë së cilës ata folën për bashkëpunimin e mirë midis dy vendeve dhe mundësitë e përmirësimit të këtyre lidhjeve.
“Është treguar një interes i madh për strategjinë e eksportit të kompanisë, praninë e saj në tregun e madh amerikan, kontaktet e distributorëve dhe rezultatet e arritura deri tani në këtë treg të rëndësishëm, me rekomandime dhe sugjerime për avancim të mëtejshëm”, kumtuan nga Plantacionet.
