Pete Davidson thuhet se do të luajë në filmin e ardhshëm të “Fast & Furious”, por jo të gjithë në ekskluzivitetin e filmave janë të lumtur për rolin e komedianit.
Ish-ylli i “Saturday Night Live”, thuhet se ka nënshkruar marrëveshjen e tij për t’u shfaqur në “Fast & Furious 10” gjatë udhëtimit të tij në Londër me të dashurën Kim Kardashian javën e kaluar, por tashmë ka “një shantazh” prapa skenave.
Disa nga yjet e filmit thuhet se janë të mërzitur për përfshirjen e tij në filmat aksion të garave në rrugë për shkak të një shakaje të keqe që komediani kishte bërë për të ndjerin Paul Walker në vitin 2015.
Foto: SplashNews.com
Paul ishte aktori kyç në filmat “Fast & Furious” – duke u shfaqur për herë të parë në origjinal në 2001 – si personazhi Brian O’Conner para se të vdiste në një aksident me makinë në 2013.
Vdekja e aktorit u bë temë e një prej shakave të Pete dy vjet më vonë, kur komiku ishte një nga prezantuesit kryesorë në “Comedy Central” të Justin Bieber, shkruan Mirror.
Foto: Getty
“Vitin e kaluar Justin u arrestua për gara me makina… Fatkeqësisht, nuk ishte me Paul Walker..,” tha Pete në mënyrë të diskutueshme në skenë.
Shakaja ishte aq përçarës saqë rrjeti televiziv në fakt refuzoi ta transmetonte në Amerikë.
Foto: FilmMagic
Shtatë vjet më vonë, duket sikur Pete do t’i bashkohet ekskluzivitetit që e bëri Paul një emër të njohur, por disa nga yjet me sa duket duan ta shohin atë duke kërkuar falje publike për shakanë e tij përpara se ta mirëpresin në familjen e “Fast & Furious”.
“Pete nënshkroi marrëveshjen gjatë udhëtimit të tij në Londër me Kim vetëm disa ditë më parë, por tashmë ka një mosmarrëveshje prapa skenave”, ka thënë një burim i filmit për The Sun.
Foto: REX/Shutterstock
Kasti dhe ekipi janë si një familje dhe shumë mbrojtës ndaj njëri-tjetrit. Ata nuk mendojnë se kjo është e drejtë pas komenteve të tij të ndyra për vdekjen e Paul.
“Disa do të preferonin që Pete të mos ishte fare në film, por së paku duan që ai të kërkojë falje publike”, tha tutje ky burim.
Foto: Getty
Paul ishte vetëm 40 vjeç kur vdiq së bashku me shokun e tij Roger Rodas pasi Porsche me të cilën dyshja po udhëtonin u përplas nga shpejtësia e madhe.Lexo po ashtu:Martohet vajza e Paul Walker, Vin Diesel e përcjell në altar
Aktori i ndjerë la pas vajzën e tij Meadow Rain – vetëm 15 vjeç në kohën e vdekjes së tij – e cila ka mbajtur një lidhje të ngushtë me ish- kolegët e babait të saj, veçanërisht kumbarin Vin Diesel.
Aktori i “Guardians of the Galaxy” madje eci me Meadow në altar vitin e kaluar, kur fëmija i vetëm i Paul u martua me Louis Thornton-Allan në Republikën Domenikane. /Telegrafi/
