Duke gjykuar nga para-sezoni, ne po përballemi me një periudhë shumë të suksesshme dhe intensive, plot sfida dhe vizitorë të kënaqur dhe rezultate shumë të mira që do të ishin vendimtare për ekonominë malazeze, tha ministri i Zhvillimit Ekonomik dhe Turizmit, Goran Gjuroviq në seancën e 8-të të Trupit Koordinuese për përgatitjen dhe monitorimin e sezoneve turistike. Ministri u shpreh i kënaqur që pati mundësinë, me aktorët kryesorë që ndikojnë në krijimin e mjedisit të tregut turistik, të shqyrtojë të gjitha sfidat e mundshme, si dhe propozimet për zgjidhjet e mundshme, në afat të shkurtër dhe sistematik, në lidhje me sezonin veror turistik. Ai theksoi se detyra e këtij organi është që të punojë në drejtim të minimizimit të problemeve të trashëguara prej kohësh që lidhen me lloje të ndryshme të infrastrukturës, mbetjet, zhurmat, punimet e ndërtimit gjatë sezonit, problemin e parkimit, forcimin e shërbimeve të inspektimit etj.
