SANKSIONET
Zëvendëskryeministri i Malit të Zi, Dritan Abazoviq, tha se shpreson që në një seancë elektronike të Qeverisë të vendoset për sanksionet ndaj Rusisë. “Ajo që është përpjekur të propozohet është e papërshtatshme për një vend që është një udhëheqës në pranimin në BE dhe anëtare e NATO,” tha Abazoviq. “Seanca nuk u ndërpre, por kryeministri doli dhe tha – seanca ka përfunduar për sot dhe nuk kam ndërmend të kthehem dhe mund të deklarohemi elektronikisht”, tha Abazoviq në një konferencë të jashtëzakonshme për shtyp. Ai thekson se në seancë gjithçka ka qenë në rregull deri në arritjen e pikave lidhur me vendosjen e sanksioneve ndaj Rusisë, ndonëse ka kaluar në Komisionin për Sistemin Politik dhe Çështjet Ekonomike.“Kryeministri Krivokapiq propozoi konkluzione të reja, të cilat, sipas mendimit tim personal, nënkuptonin se ai e bëri të pakuptimtë vendimin për sanksionet”, tha Abazoviq. Zëvendëskryeministri tha gjithashtu se ata duhet të mbajnë anën në situata krize dhe se në këtë moment jemi në anën e Sirisë dhe Venezuelës, sepse nuk kemi vendosur sanksione ndaj Rusisë.
