Protesta për shkarkimin e Aleksa Beçiqit nga pozita e kryetarit të Kuvendit do të mbahet nesër në Podgoricë, tha deputeti i Malit të Zi Demokratik, Vlladimir Martinoviq, duke thënë se presin praninë e një numri të madh të qytetarëve. Martinoviq tha se protesta fillon në orën 18:00, pranë Kishës së Ngjalljes së Krishtit. “Siç kemi paralajmëruar, nesër në ora 18 do të mblidhemi në Tempull, ku në mënyrë paqësore dhe dinjitoze do të shprehim të drejtën tonë demokratike dhe të garantuar me Kushtetutë për të shprehur pakënaqësinë, bashkë me qytetarët”, tha Martinoviq. Ai tha se protestat nuk do të ndalen nesër sepse, siç theksoi Martinoviq, presin që ajo parti të parandalojë “tradhtinë ndaj besimit” së bashku me qytetarët.
